ਇੰਡੋਨੇਸ਼ੀਆ ਵਿੱਚ ਕਿਸ਼ਤੀ ਪਲਟੱਣ ਨਾਲ 15 ਵਿਅਕਤੀਆਂ ਦੀ ਮੌਤ

ਜਕਾਰਤਾ – ਇੰਡੋਨੇਸ਼ੀਆ ਵਿਚ ਹਾਲ ਹੀ ਵਿੱਚ ਵਾਪਰੇ ਸਮੁੰਦਰੀ ਹਾਦਸੇ ਵਿਚ ਜਾਵਾ ਟਾਪੂ ਤੇ ਇਕ ਯਾਤਰੀ ਕਿਸ਼ਤੀ ਡੁੱਬ ਗਈ| ਇਸ ਹਾਦਸੇ ਵਿਚ ਘੱਟੋ-ਘੱਟ 15 ਵਿਅਕਤੀਆਂ ਦੀ ਮੌਤ ਹੋ ਗਈ| ਪੁਲਸ ਨੇ ਅੱਜ ਇਹ ਜਾਣਕਾਰੀ ਦਿੱਤੀ|ਪੂਰਬੀ ਜਾਵਾ ਪੁਲੀਸ ਦੇ ਬੁਲਾਰੇ ਫ੍ਰੈਂਸ ਬਾਰੂੰਗ ਮੰਗੇਰਾ ਨੇ ਦੱਸਿਆ ਕਿ ਮਦੁਰਾ ਟਾਪੂ ਨੇੜੇ ਜਦੋਂ ਸਮਰੱਥਾ ਤੋਂ ਵੱਧ ਲੋਕਾਂ ਨੂੰ ਲਿਜਾ ਰਹੀ ਕਿਸ਼ਤੀ ਪਲਟੀ ਤਾਂ ਉਸ ਵਿੱਚ ਕਰੀਬ 50 ਲੋਕ ਸਵਾਰ ਸਨ| ਤਲਾਸ਼ ਅਤੇ ਬਚਾਅ ਦਲਾਂ ਨੇ ਅੱਜ ਸਵੇਰੇ 13 ਲਾਸ਼ਾਂ ਨੂੰ ਖੋਜਿਆ, ਜਿਸ ਦੇ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 15 ਹੋ ਗਈ| ਬਚਾਅ ਦਲਾਂ ਨੇ 31 ਵਿਅਕਤੀਆਂ ਨੂੰ ਜਿਉਂਦੇ ਬਚਾਇਆ ਹੈ| ਬਚਾਅ ਦਲ ਕਰੀਬ 3 ਲਾਪਤਾ ਵਿਅਕਤੀਆਂ ਦੀ ਤਲਾਸ਼ ਕਰ ਰਿਹਾ ਹੈ|